CHAN TÂWKA LUNGAWI

CHAN TÂWKA LUNGAWI

HEBRAI 13:5
Sum ngaina mi ni lo ula, in thil neih tâwkah lungawi rawh u. Amah ngeiin, “Engtikah mah ka thlahthlam lo vang che a, kal pawh ka kalsan tawp lo vang che,” a ti si a.

Lungkertu pakhat hi a awm a. Tlânga lung ṭha tak tak chu a la a, mâm takin a chher a, chu chu a hralh leh ṭhin a. Chutiang chuan hringnun hmangin ei a zawng a, dam chhûng khawsak lungkham lovin hlim takin a nupui fanau a châwm ṭhin a ni.

Vawi khat chu a lung mâm leh mawi tak chu hralh tûrin sumdâwng hnênah chuan a va kal a, chu sumdâwng pa thil neih mawi leh hlu tak tak chu a awt ta mai a, “Sumdâwng nih ve ka va’n châk êm!” a ti a. Sumdâwngah chuan a chang ta a. Chutih lai tak chuan sipai rawn kal ṭhap ṭhap hnungah Lal fapa hi sakawr chungah nawm hmêl takin a rawn chuang a, “Lal fapa nih ka va’n châk êm!” a ti leh a, Lal fapaah chuan a chang leh ta a.

Nî a rawn sâ a, “Mihring aia ropui, Nî-ah chan ka va duh êm!” a ti leh a. Nî-ah chuan a chang a. Mahse khua a rawn dur a, khawvêl leh a inkârah chuan chhûm a awm ta tlat mai a, “Chhûm nih ka va duh êm!” a ti a, Chhûmah a chang leh a. Khawvêl lamah chuan a tleh thla a, mahse tlâng lian tak chuan a lo dang tlat mai a, “Tlângah chan ka va duh êm!” a ti a, tlângah chuan a chang leh ta a ni.

Ni khat chu mi pakhat hi tlângah chuan tuboh nên a rawn lâwn a, tlânga lungte chu a la a, a ker a, tlâng chuan a lo hnar thei si lo va, tichuan, “Lungkertu-ah chan ka va duh êm!” a ti a. Lungkertu-ah chuan a chang leh a, hlim takin a nun a hmang leh ta a ni.

Hnim pawh hi a hring mâwi viau a ni thei, mahse chhêk ina ran chaw atâna lâkkhawm an nifo ṭhin.

3 Comments

  1. Kimkimi Chhakchhuak

    👍👍👍👍👍👍

  2. atha lutuk tlat

  3. 🙏🙏👍👍

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.