CHHANDAMNA

JOHANA 3:17
Pathian chuan khawvêl thiam loh chantîr tûrin a Fapa khawvêlah a tîr si lo, amah azâra khawvêl chhandama an awm theih nân a tîr a ni zâwk.

Mi tuiah a tlâk chuan chhantu a mamawh a, chhantu tel lo chuan tui vângin a thi mai ṭhin. Keini pawh suala tlûk avânga chhanchhuah mamawh ngawih ngawih dinhmuna ding kan ni.

Chutianga kan awm lai chuan Pathianin a Fapa min chhandam tûrin khawvêlah a rawn tîr a, khawvêl dam nân Fapa pêkin kan awm ta a. Lal Isua kan tâna a inpêkna hi aiawhna anga sawi a ni a. Eden bawhchhiatna avânga thi ni mah ila, Lal Isuan kan aiawhin min thihsak a, a thihna chu kan thihna, a thawhlehna chu kan thawhlehnaah Pathianin min pawmsak a; kan pian hmâ daihin min chhandam tûrin Isua a lo thiin a lo tho leh tawh a, chu chu kan tân a ni tih kan pawm a, kan rin mai khân chhandam kan ni a. Lal Isua vuakna vualtea tihdam kan nihna chuan kan thlarau mai ni lovin, kan taksa leh rilru pawh hlauhna leh manganna lakah min chhandam bawk a ni.