THIAM CHANTIRNA

ROM 8:33-34
Pathian mi thlante chu tuin nge hêk ang? Thiam chantîrtu kha Pathian a ni si a; tuin nge thiam loh chantîr ang? Thia kha Krista Isua chu a ni si a; a ni, tholeh ta zâwka, Pathian ding lama awma min sawisaktu bawka kha a ni.

Thiam chantîrna tih hi rorêlna ṭawngkam a ni a. Chhandamna hi sawi dan chi hrang hrang a awm a, ‘thiam chantîrna’ kan tih pawh hi chhandamna sawi dân chi khat a ni. Tlûkna avângin thiam loh chantîrna rorêlna chu a lo awm a: Dân lakah te, Pathian thinurna lakah te leh rorêlna lakah te thiam loh chantîrin kan awm a ni.

Thiam chantîrna tih hi ‘dika pawm’, ‘mi sual lova ngaih’, ‘mi fela chhiar’ tihna a ni a. Lal Isua, kan Ukil ropuiin chhandamna min thawhsakna chu kan Pathianin min pawmsak a. Rorêltu leh thiam loh min chantîr theitu tûr ber thiam min chantîrtu a ni tawh si a, Lal Isuan min hêk dawn se, Pa ding lama ṭhua min sawisaktu a ni bawk si a. Mi dik lo kha dikah min pawm a, mi sual kha mi ṭhaah min pawm a, mi fel lo kha mi felah pawmin kan lo awm reng mai a lo nih chu. A va ropui êm!!