MIKHUAL CHUNGA ṬHAT CHHUAH

HEBRAI 13:2
Mikhualte chungah hmangaih chhuah theihnghilh suh u; chutiang tiin ṭhenkhatten hre lovin vântirhkohte an lo thleng si a.

Khawvêl hmun hrang hranga chêng leh in mamawh tawn kan nih hlawm avangin mikhuala kan ṭan châng leh mikhual thlengtua kan ṭan châng a awm fo va. Hetiang a nih avang a ni ang mikhual chunga hmangaih chhuah theihnghilh lo tura kan Bible-in min lo hrilh ni.

Mikhual chibai leh an hminga koh theih te hi a pawimawh hle a. An lo thlen hlima inthiarna leh tui dehna ilo vel hriattir rante hi a pawimawh hle. An bungrua chhuat laia dah reng lovin an mutna tur lama dah felsak thuai hi a tha. Tun laiah hriselna a inchen lo hlawm ta hle a, chuvangin an ei theih zawng leh an in theih zawngte inzawh hreh loh a ṭha a, chaw ei dawnah an ṭhutna tûr kawhhmuh chîn a finthlâk hle bawk; chaw pawh khawrh theihnghilh loh tum tûr a ni. Mikhualte awm laia inhauh leh chhûngkaw harsatna lam sawi hi chîn loh a ṭha. Mikhual hâwn dâwnah an thil theihnghilh tûr enpui ṭhin a ṭha hle bawk.