KHAWVEL ÊNG

MATHAIA 5:14-15
Khawvêl êng in ni e. Tlângchhîpa khaw awm chu thuhrûk theih a ni lo. Miin an khâwnvâr chhit chu khovin an khuh ngai lo, a dahnaah an dah zâwk ṭhîn; tichuan, in chhûnga mi zawng zawng a ên ṭhîn.

Zân thimah êng kan chhit chuan kawng kan hmuh theih phah a, inkhâwmnaah pawh kan tih duh kan tih theih phah ṭhin a, hnathawktute pawhin hna an thawh theih phah bawk ṭhin.

Pathian hriat lohna leh ngaihsak duh loh avanga mihringa thimna leh mâwlna awmte um bo tûrin êng kan nih a pawimawh. Isua Krista, khawvêl êng hi kan zawm tlat chuan khawvêl thim tân êng tak kan ni thei ang a, amah hi kan zawm dân a dik loh chuan kan êng a chuai ruai ruai fo mai dâwn a ni. Mahni inchhûng aṭanga ṭanin ṭhenawm khawvêngah, khawtlâng leh ram chhûngah, tichuan khawvêl tân êng ila. Kan rawngbâwlpuite leh kan thawhpuite hnênah Krista ênna thlentuah i ṭang zêl bawk ang u.