LAL ISUA LO KAL LEHNA

1 THESSALONIKA 4:16
Lalpa ngei chu au thâwm nên, vântirhkoh chungnung ber aw nên, Pathian tawtawrâwt ri nên, vân aṭangin a lo chhuk dâwn si a.

Lal Isua lo kal leh tûr thu hi mi ṭhenkhat chuan an awih lo va, Pentikos nia Thlarau Thianghlim lo thleng kha a lo kal lehna anga sawi te an awm a; kan pian thar hi a lo kal lehna chu a ni mai ti te pawh an awm bawk. A pian tûr thu hrilhlâwkna pawh a thleng dik a, a lo kal tûr thu Bible-in min hrilh pawh hi a thleng dik dawn a ni.

A lo kal dân tûr pawh hi a ropui miah miah hle dâwn – Lalpa au thâwm, Vântirhkoh chungnung ber aw leh Pathian tawtawrâwt rî nên vân aṭangin a lo chhuk dâwn a. Amah ngeiin ama ropuina nên, a Pa ropuina nên, a vantirhkohte ropuina nên a lo kal tûr thu a sawi bawk (Luka 9:26). Tlâwm taka lo piang kha ropuina zawng zawng sinin a lo kal dâwn a, a hmaia an ben leh chil an chhâka kha a rorêlna Lal tiang nên a lo kal dâwn a; mi sualte lam tûra lo kal kha mi felte lam tûrin a lo kal leh dâwn a ni. In chhungkua in inpeih tawh hlawm em le?