Nun Kawng Chaw

THLARAU RAH – ṬHATNA

THLARAU RAH - ṬHATNA

2 THESALONIKA 1:11
Hemi avâng hian Pathianin a kohna che u phua in awm theihna tûr leh, ṭhat in duhna zawng zawng leh rinna avânga in thiltihte chu, a chaknaa a tihfamkimsak theihna tûr che uin, bâng lovin kan ṭawngṭaisak ṭhîn che u a ni.

Mihring tumna leh beihna aṭang ngawt hi chuan ṭhat chhuah a har hle ṭhin a, theih chin awm mah se theih loh chin a awm bawk ṭhin. Mihring ṭhatna hi chuan phûtlêt a nei ṭhin a; thlarau rah – ṭhatna erawh chuan phûtlêt a nei ve ngai lo.

Mihring thiltih leh beihna tam tak hi Setana chuan a duh angin a kâiher thei a. Thlarau Thianghlima zung kai nghet ṭhatna erawh chu engmahin a khawih che thei lo. Fiahna tuar chhuak thei ṭhatna chauh hi thlarau aṭanga chhuak a ni. Hosea chuan, “In ṭhatna chu zîng ṭiauchhûm leh dai ral ta thuai ṭhîn ang hi a ni,” (6:4) a ti a. Thlarau rah aṭanga ṭhatna lo chhuak chu a tlovin a nghet bîk a, belhchian a dâwl bîk ṭhin.

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy