TATTOO

LEVITICUS 19:28
Mitthi avângin in taksa in zai tûr a ni lo va, in inṭial tûr a ni hek lo: kei hi Lalpa chu ka ni.

Tattoo chanchin chhuitu zînga ropui bera ngaih Dr. Hambly-a chuan hetiang a ziak: Tattoo hi ringlote thlarau leh sakhuanaah innghat tlat a ni a. Ngun taka a lo chhuah dân chhuitu reng reng chuan ramhuai leh thiltihtheihna danglam bîkte nên a in zawmzia an hmu chhuak zêl ang, tiin. Israel hoten ringlote tih dâna an tih ve loh nân Pathianin a hriattîr a ni.

Mizo ṭhalaite zîngah tattoo nei hmuh tûr an tam ta hle mai. Hetiang avâng hian tam takin hna an hmuh theih loh phah tawh a, foreign (ram dang) kal chungchangah pawh harsatna a siam ta hlawm. HIV/AIDS, Hepatitis B leh C, Tetanus, etc. kaitîr theitu a ni a, thisen pe tûr pawhin hmun tam taka tattoo nei chu an duh tawh lo. Michelli Delio-a chuan, “Tattoo chhutna tak hi thlarau sualho tâna chênna in leh temple, an chên theihna tûra siam a ni,” a ti hial. Tattoo la nei ve lote tân kan Bible sawi hi invên nân i hmang ang u.