HMANGAIHTU PATHIAN

JOHANA 3:16-17
Pathianin khawvêl a hmangaih êm êm a; chutichuan, a Fapa mal neih chhun a pe a, amah chu tu pawh a ring apiang an boral lohva, chatuana nunna an neih zâwk nân. Khawvêl thiam loh chantîr tûrin Pathianin a Fa khawvêlah a tîr lo, khawvêl amah avânga an dam theihna tûrin a tîr a ni zâwk e.

Mihring hmangaihna chu phâk chin leh phâk loh chin nei a ni a. Mihring hmangaihnaah chuan nu hmangaihna hi a nasa bera ngaih a ni a, hei pawh hi an faten zu leh drugs avanga harsatna an han siam fo mai chuan a lo nasa hlei thei bik lo. Thi law law se tih thleng pawhin an ngaihtuah ve fo ṭhin niin a lang.

Pathian hmangaihna chu a thûk a, a sei a, a sâng a, a zâu bawk a. Tâwp chin nei lo hmangaihna a ni a. Mi sual ber thinlung pawh thleng phâk hmangaihna a ni. Tualthat, uire, mi hur, rûk hmang, ruih hmang, etc. kan tih zawng zawng te pawh hmangaiha, an sualte ngaidam ṭhintu Pathian a ni. Unau duh tak, i sual avang khan Pathianin a hawisan lo che a, hmangaih avangin a Fapa a rawn pe che a, i tawrh ai a rawn tuar zâwk a ni. Ring la i nung ang. Pathianin a hmangaih che.