LALPA ṬIH – LUNGAWINA

THUFINGTE 19:23
Lalpa ṭihna chuan nunna a thlen a, A nei apiang chu lungawi takin an awm ang a, Thil ṭha lovin a tlâkbuak lo vang.

‘Khawvêla thil hmuhnawm ber chu lungawi hmêl a ni’ an ti ṭhin a. Hei hi a dik a nih ngai chuan thil hmuhnawm loh ber pawh ‘lungawi lo hmêl’ a ni ang. Kan Pathian thu hian Lalpa ṭihna nun neitute chu an lungawi bâkah thil ṭha lo tlâkbuakin an awm lo vang a ti tawp mai a ni. Lungawi zêl chîng ṭhinte chuan an chunga thil duhawm lo thlengte pawh thlarau lam nunah hlâwkpui nân an hmang thei zêl ṭhîn, Paula nunah a lang chiang hle.

Kan ram hi Kristian ram a ni a. Sorkar leh hotute chunga lungawi lohna kan lantîr dânahte pawh fimkhur ila. Germany rama Company pakhata thawktu lungawi lote chuan chhûn chawlh chhûngin an lungawi lohna an lantîr e an ti a, an entawn tlâk hle mai. Engkima lungawi thei tûr chuan Lalpa kan ṭih a pawimawh a. Neih tlêm leh neih tam lam ni lovin Lalpa ṭihtu chu a chan tâwkah a lungawi thei ṭhin. In chhûngkua eng nge in an ve le?