LALPA ṬIH A PAWIMAWHNA

LALPA ṬIH A PAWIMAWHNA 1

THUHRILTU 12:13-14
Hêng thu zawng zawng khaikhâwmna hi i ngaithla teh ang: Pathian ṭih la, a thupêkte vawng rawh; hei hi mihring zawng zawng tih tûr chu a ni mai. Pathian chuan thiltih zawng zawng chungah ro a la rêl dâwn si a, thil inthup engkim, a chhia emaw, a ṭha emawte pawh, tih hi.

Thuhriltu hian Pathian lalzia te, ropuizia te leh a ṭihbaiawmzia te a hrechiang kher mai. Lei leh vân siamtu Pathian chu engkim chunga rorêltu tûr a ni a, a hmaah thil inthup thei engmah a awm dawn lo a ni, a ti. Amah kan Lal Isua ngei pawhin, “Lang lo tûra thuhrûk engmah a awm lo va, hriat loh tûra zêp rûk pawh engmah a awm hek lo,” a ti a ni.

Hetianga kan thiltih engkim a chhia a ṭha la hmu leh vek tûr leh kan tuh rah seng tûr kan nih avângin leia kan dam chhûng ngei hian amah ṭih a, a duh dâna kan nun a pawimawh hle. Thih hnua inṭawngṭaisakin awmzia a nei tawh dâwn lo. Kan dam chhûng ngeia Lalpa kan ṭih a, a thu kan zawm a pawimawh a ni.

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.