TAWHRNA RAH DUHAWM

SAM 119:71-72
I thuruatte ka zir theih nân Tihhrehawma ka lo awm kha ka tân a ṭha a ni. Rangkachak leh tangkaraw sâng tam tak ai chuan, I kâa dân chhuak chu ka tân a ṭha zâwk e.

George Frideric Handel-a kha sum dinhmuna a tlâk chhiat lai berin a thlarau lam nun siam tharin zuk awm tlat a! A pawisa batna ten lung ina khung mai tûrin an vau a, ani lah a pangkhing a zeng deuh lehnghal. Chu hun khirh ber laiah chuan a inkhung hrang a, ni danga a chan phâk ngai hauh loh Pathian pâwlna ropui tak a dawng ta tlat mai a. He hun chhûng hian alawm khawvêla Kristian zawng zawngin kan ngaihsan, a hla ropui ber Halleluia Chorus hi a phuah ni!!

Fakna hlaa kan hmuh ang khan Pathian aw leh a duh zâwngte kan hriat thih nan tihhrehawm leh tihchak loh te hi kan ngai fo rêng a. Kan dîl loh zâwk malsawmna chhûm dum hian malsawmna a rawn paipawn ṭhin a. A tîrah mittui hial tla mah se hlimna sawi hleih theih lohvin a rawn zûi ṭhin. Chutiang a thlen theihna tûr chuan Lalpa kan hnaih hi a pawimawh ber a ni.