FIAHNA

ISAIA 48:10
Ngai teh u, ka tithianghlim che u a ni; nimahsela, tangkaraw tihthianghlim angin a ni lo; hrehawmna rawh tuina meiah chuan ka fiah che u a ni.

Israel fate khân Pathian laka an rinawm tlat theihna tûrin kawng hrang hrangin fiahna an tâwk a, Pathianin a fiahnaah an rinawm loh châng a tam ve hle ṭhin. Pathian hian a hman duh mi rêng rêng chu a fiah hmasa fo ṭhin a. Fiahna hautak zet (rawhtuina meia fiahna) te pawh a thlentîr ṭhin. A ṭhen chu retheihna hmang te, chânna hmang te, tawrhna hmang te, natna hmang te leh thihna hmang te pawhin a fiah ṭhin.

Hetiang fiahna kan chunga lo thleng hi Zoram ringtu tam takin kan hrethiam lo fo va. Pathian aw hriat tum si lovin harsatna kan chunga a rawn thlentîr lâk kiana a awm theih nân kan dîl chiam chiam ṭhin, ‘Lalpa thu sawi rawh i chhiahhlawhin a ngaithla e,’ ti mai ila. Min fiahnate hi sâpho sawi dân takin kan challenge tûr a ni zâwk. Fiahnaah chuan nghah peihte hi a ṭûl ṭhin.