HMA I SÂWN ZÊL ANG U

HMA I SÂWN ZÊL ANG U

PHILIPPI 3:16
Eng pawh ni sela, kan thlen chin aṭang khân hma i sâwn zêl ang u.

Kum tâwp lamah kan lo chuangkai leh ta reng mai a. Kumin chhûnga kan hmalâk dânte pawh inbih chiang hlawm ila. Kan thlen chin aṭanga hma kan sâwn leh sâwn loh dân i inenfiah hlawm ang u.

Mahni thlen china duh tâwk mai lo, hmasawn tum rân mite hi mi huaisen leh ram tân pawha malsawmna thlentu an ni nge nge ṭhin. Mizo zîngah pawh nu emaw pa emaw nih hnua lehkha zir chhunzawm ṭang ṭang hriat tûr engemaw zât kan nei a, an fakawmin an entawn tlâk hlê mai.

Ni tina ringtu nun kawng kan zawhnaah te hian hma kan sâwn a pawimawh a. Dawhtheihnaah te, hmangaihnaah te, rinawmnaah te, zaidamnaah te leh inngaihtlâwmna lamah te hian engtiang chenin nge kan thlen chin aṭangin hmâ kan sâwn ang aw? Kan chhûngte leh ni tina kan bula awm ṭhinte hian an hrechiang ang. In chhûngkuain hma in sâwn zêl em le?

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy