SAMSONA

RORELTUTE 16:19
Tin, a mal chungah a muthilhtîr a; tin, mi a ko va, a sam phiar sarih chu a hlep thla ta vek a. Tichuan, a sawisa ṭan ta a; tin, a chakna chu a bo ta vek mai a.

Samsona chanchinah hian a chhe lam leh a entawn tlâkna lai pawh sawi tûr a awm ve v. Israelten lal an neih hmaa roreltu lian an tih zînga hnuhnung ber leh chanchin ngah ber a ni. Pathian tâna inserh hrang mi (Nazarit) a ni a. Amaherawhchu, Israel-hote hmêlma hlun Philistia nula Delili a ngaihzawn tlat avângin a chakna thurûk zawng zawng Delili a hrilh a, an man a, a mit an kher chhuahsak a, dâr kawlte an buntîr a, lung inah buh an râwtsawmtîr țhin a. A sam a lo sei leh deuh hnuah Philistia-ho, an pathian Dagona hnêna inthawia kalkhawmho tam tak a thih chilh ta a ni.

Pathian hnaih tûr kan nih laia khawvêl kan hnaih hian mualphona a lo thleng ṭhin. Kan Pathian hi a kotute chhâng ṭhin a ni a, kan sual chung pawhin kan ṭawngṭaina min chhâng duh ṭhin a ni, tih Samsona chanchin aṭang hian kan hre thei a ni. Kan hnaih tur chu Lalpa a ni e.