HAWI KÎRTIRTU

HAWI KÎR TIRTU

JOHANA 4:36
Buh sengtu chuan hlawh a hmu nghâl tawh a, chatuan nun atân a seng khâwm mêk a ni, a phuntu leh a sengtu chu an hlim dun theih nân.

Ni khat chu dâktawr pakhat hi lungngai takin a hnathawk bâng a rawn haw a. A nupui chuan a pasal hmêl awm dân aṭangin thil dik lo a awm tih hriain a chhan a zâwt a. Dâktawr chuan, “Naupang pakhat, kum 10 mi chu kan Hospital-ah treatment la tûrin a rawn kal a. Chu naupang chuan, “Dâktawr, vawiin hi ka birthday a ni a, kum 11 ka tling chiah dawn a. Thih ka hlau tawh lo a, mahse hrehawm tihna ka nei a. Isua Krista ka pawm hnu khan thlarau bo sâwm (10) ka chhanchhuak tawh a. Ka hrehawm tihna chu kum 11 ka nih hnu-ah thlarau bo ka chhanchhuak tawh lo tûr hi a ni,” a ti a. Chu naupang thusawi chuan ka rilru a khawih takzet a ni.” a ti a.

Damdawi in aṭang chuan naupang boral thu an rawn hrilh ta thut mai a, dâktawr pawh chu a tlân lêt a. A va thlen chuan an nurse pakhat chu a lo ṭap nasa hle a, dâktawr chuan, “Engati nge i ṭah?” a ti a. Nurse chuan, “Ka jection dâwn a, mahse naupang hian, ‘Min jection duh lo mai rawh, ka Lalpa ka hmu tawh dawn alawm,’ a ti a, chumi hnu-ah, ‘Sister, chutah chuan ka lo hmu ve thei che ang em?’ min ti a” a ti a. Nurse chuan a rilru a khawih takzet thu a sawi hnu chuan, “A zawhna chuan a Lalpa hnêna a chhanchhuah 11-na min nih tîr a ni. He naupang hi ka lainat takzet a ni,” a ti a. Daktawr chu a ngawi reng a, a lung a chhia a, insum chung chuan, “Kei a 12-na ka ni e,” a ti a. An pahnih chuan naupang kum 11 mi ruang chungah chuan an inhlân ta a ni.

Daniela 12:3-ah chuan ti hian kan hmu, “Hruaitu fingte chu vâna êng angin an êng ang a, thil dik ti tûra mi dang hruaitute pawh chu arsi angin an êng kumkhua ang.”

SAM 34:18
Thinlung taka lungchhiate chu Lalpan a hnaih ṭhîn a, Rilru taka inchhîrte chu a chhandam ṭhîn.

avatar
2 Comment threads
0 Thread replies
0 Followers
 
Most reacted comment
Hottest comment thread
2 Comment authors
ZothaniMesaka Putea Recent comment authors
  Subscribe  
newest oldest most voted
Notify of
Mesaka Putea
Guest
Mesaka Putea

Tir hi suffix a nih hun
a awm a. A dik lo langsar hle mai. HAWI KIRTIRTU

Zothani
Guest
Zothani

A thu chuan min hneh hle mai. a ropui lutuk. ka mittui hial a ti tla a lawm le.

Copyright © 2017-2019 Our Daily Bread Mizo.
Privacy Policy