LALPA EN

LALPA EN

MIKA 7:7
Kei erawh chuan Lalpa lam ka en ang a, ka chhandamna Pathian chu ka nghâk ang; ka Pathian chuan mi ngaithla dâwn a ni.

Vawi khat chu George Muller-a hi Quebec-ah thusawi tûrin lawngah a kal a. An hmalamah chhûm chhah tak a awm avângin dârkâr 22 lai an ding a. Lawng Captain hnênah chuan a thusawina tûra din hman ngei a duh thu a hrilh a. Captain chuan, “Engmah tih ngaihna a awm lo, en rawh chhûm chhahzia saw,” tiin a kâwk a. Muller-a chuan, “Kei chuan chhûm chhah tak saw ka en ve lo va, chhûm chhah tak siamtu khi ka en zâwk a ni,” tia chhângin Captain chu lawng chhûnga ṭawngṭaipuiah a sâwm a. An ṭawngṭai zawh chuan chhûm chu a kiang ta duak mai a; a tum hun takah Quebec-ah pawh chuan thu pawh a sawi thei ta a ni.

Kan hmalam te, kan sîr tawn tawn te kan thlîr hi chuan harsatna hmuh tûr a tam ṭhin. Chunglam kan thlîr chuan hêng kan harsatnate hi chawp-leh-chilh pawhin tih kianin a lo awm mai dâwn a ni.

avatar
2 Comment threads
0 Thread replies
0 Followers
 
Most reacted comment
Hottest comment thread
1 Comment authors
Zothanpuia Recent comment authors
  Subscribe  
newest oldest most voted
Notify of
Zothanpuia
Guest
Zothanpuia

van tha thin em……..

Zothanpuia
Guest
Zothanpuia

Avan dik tak êm! ka hun tawn nên a inmil hle mai

Copyright © 2017-2019 Our Daily Bread Mizo.
Privacy Policy