SUM AIIN HMINGṬHAT

THUFINGTE 22:1
Sum tam tak aiin hmingṭhat hi thlan zâwk tûr a ni a, Tangka leh rangkachak aiin duhsakna a ngainatawm.

Schiller-a chuan, “Nunin a neih zawng zawngte zînga ropui ber chu hmingṭhat hi a ni a, taksa leiah phûm a nih hunah pawh ropui takin a nung reng ang,” a ti a. Hetiang a nih avang hian Thufing ziaktu pawhin sum tam tak aia thlang zâwk tûrin min kawhhmuh a ni.

Mi tam tak chuan sum hmangin an hming an tichhia a, a ṭhen chuan hnathawktu tûr lâk chungchangah an hming an tichhia a, thamna duh luat avânga mahni intihmingchhia an awm bawk a, a ṭhen chuan in hmun lo rama duhâmna avangin an hming an tichhe bawk a. Sum duh avânga mahni inzuar, dam chhûnga hming chhiatna reh tawh lo tûr hriat tûr pawh an tam ta hlein a lang bawk. Hming chhiatna leh hming ṭhatna hi keimahniah a tâwp mai lo va, thlahte thlenga nghawng a neih theih ṭhin avângin fimkhur a, sum leh rangkachakte ai pawha hmingṭhat hi thlan tlat tûr a ni.