MIT VÂRNA

SAM 19:8
Lalpa thununna thu chu a dik a, thinlung a tilâwm ṭhîn; Lalpa thupêk chu a thianghlim a, mitte a tivâr ṭhîn.

University pakhatah hian Kristian zirlai leh Muslim zirlai hian room khat an luah dûn a. Sakhaw mi tak ve ve an ni a. Kristian zirlai chuan Bible leh Koran chu inchhiar chhâwk a rawt ta a. Kâr khatah vawi khat ve ve an inchhiar chhâwk ṭhin a. Nakinah chuan muslim zirlai chuan, “Engvangin nge min bum?” a ti ta mai a. Kristian zirlai chuan, “Eng nge ka bumna che?” tiin mak ti takin a chhâng a. Muslim zirlai chuan, “In Bible chhûnga thu nung chuan min ei zo va, min khawih danglam ta a ni,” a ti a.

Sakhaw mi na ringawt hian tumah vânram min thlen dâwn lo va. Lal Isua, kawng leh thutak leh nunna rin hi thlarau mit vârna a ni. Napoleonan, “Bible hi lehkhabu danglam tak, lehkhabu nung leh thiltithei, amah dotu zawng zawng hneh zêltu a ni,” tia a sawi hi a dikna a lang zêl dâwn a ni.