TUI NUNG LUI

JOHANA 7:37-38
Tin, kût ṭiak dâwn ni, ni ropui berah chuan Isua a ding a, a au va, “Tu pawh a tuihâl chuan ka hnênah lo kal sela, in rawh se. Tu pawh mi ring chu, Pathian Lehkha sawi angin, tui nung luite a pumah a lo luang chhuak ang,” a ti a.

Vawi khat chu Rev. A.H. Ackley-an chhandamna thu a sawi mawlh mawlh laiin Juda tlangval pakhat hian a rawn hnial a. Juda tlangval chuan, “I sawi Isua kha hmânah a sual avangin kraws-ah an khengbet tawh a. Pathian-ah ka be thei lo,” a rawn ti a. Ackley-a chuan, “Tlangval, Isua chu a thi a, a nung leh tih i hre na nge? Tunah pawh ka thinlungah a nung asin. Amah nen kan lêngdun ṭhin a, kan inkâwm ṭhin asin. Miten engpawh sawi mah se ka thinlungah Isua chu a nung a ni,” a tih laiin –

Chhandamtu nung rawng ka bawl,
Kan zîngah a awm a;
Miten engpawh sawi mah se a nung tih ka hria a.

… tiin he hla mawi leh ropui tak hi a phuah ta a ni. Tho leh Isua hi i thinlungah nungin a inlâr ve ṭhin em? In lêng dûnin in inkâwm ṭhin em le?