NI LI PAWN TLAI SE

JOHANA 11:43-44
Tin, chutia a ṭawng zawh veleh chuan aw ring takin, “Lazar, lo chhuak rawh,” a ti a, a au va. Tin, mitthi chu a kut a ke thlân puana tuam chungin a lo chhuak ta a, a hmai pawh inhrûkna puana tuam a ni a. Isuan an hnênah, “Phelh ula, kaltîr rawh u,” a ti a.

Aron Wilburn-a chu damdawi inah thla 3 lai a awm tawh a. Doctor-te pawh an beidawng tawh a, amah pawh a beidawng êm êm mai a. Kum 1994 nipui lai khan tûk khat chu dar 3:00-ah a thova, Pathian pâwlna a nei a, Johana 11:5,6 hmangin Pathianin a rawn pâwl a. Pathianin tihdam theih loh a neih lohzia chiang takin a hre ta a. Ni li pawn tlai se tih hla hi a phuah ta nghal a. Amah pawh Pathianin a tidam ta nghal a ni.

Lazara, ni 4 lai thlâna awm tawh pawh kaitho theitu Pathian neitu kan ni hi a va lawmawm êm! Natna avang te leh sualna avangtein kan bei a dawng fo ṭhin. Kan Pathian tân hian thil harsa lutuk a awm ve lo. Kan lama a kut a chêttîr theih nân amah i hnaih phawt ang u.