HUN BI KIMAH ISUA A PIANG

GALATIA 4:4-5
Nimahsela, a hun bi a lo kim khân fa nihna kan hmuh theih nân, Dân hnuaia awmte chu tlan tûrin Pathianin a Fapa, hmeichhe hrin, Dân hnuaia lo piangin a tîr chhuak ta a. Nimahsela, a hun bi a lo kim khân fa nihna kan hmuh theih nân, Dân hnuaia awmte chu tlan tûrin Pathianin a Fapa, hmeichhe hrin, Dân hnuaia lo piangin a tîr chhuak ta a.

Tirhkoh Paula’n ‘hun bi kim’ a tihna chhan tawite tein kawng thumin lo târlang ila –

1. Isua pian lai vêl khan Rom ram awp chhûngah Grik ṭawng thiam an tam ber a. A ṭawng hi a hausa a, Thuthlung Thar pawh Grik ṭawnga ziak hmasak ber a ni.

2. Rom sawrkâr chak takin ram zau tak a awp a. A ram chhûngah inkalpawhna a ṭha a, remna leh muanna a awm bawk a. Chu chu Chanchin Ṭha hrilh zung zung nân a pawimawh êm êm a ni.

3. Khawvêl hmun hrang hrangah Juda an darh a. An thlen chin apiangah Biak In an nei zel a. Zirtîrten Chanchin Ṭha an feh chhuahpuiin an Juda puite hnênah an thleng hmasa zêl bawk a, chu chu Chanchin Ṭha puan darh ṭanna atan hmanraw ṭha tak a lo ni leh zêl a – hêng zawng zawngte hi hriain Paula’n hun bi kimah Isua hi a lo piang a ni, tiin a sawi a ni.