THU SAWM PÊK 1-NA

EXODUS 20:3
Keimah lo chu pathian dang rêng rêng i nei tûr a ni lo.

Thu sawm pêk hi bung hnihah ṭhen a ni a. A hmasa palite hi Pathian lama mihringin a tih tûr a ni a, a dang paruk hi mihringin a mihringpui chunga a tih tûr a ni an ti ṭhin.

Israel fate suala an tlûk fona langsâr tak chu pathian dang biaknaah a ni a. An hun laiah chuan an tân thlêmna hautak ber a tling. Hnam dang pathian tam tak awm mah se Pathian (Jehova) chauh hi anmahni siamtu leh Aigupta bawih ata hruai chhuaktu a ni a. Hetiang a nih avang hian pathian dang an nei tûr a ni lo va, Jehova lakah an rinawm tlat tûr a ni.

Keini pawhin inenna tûr pawimawh tak kan nei ve. Min siamtu leh sual bawih ata min tlan chhuaktu kan Pathian aia ngaih pawimawh zâwk kan neih chuan chu ngei chu kan tân pathian dang neihna a ni. Kan Pathian tân hian kan rinawm nge, thil dang lakah kan uire san fo zâwk? I inenfiah ang u.