INTHAWINA AIIN THUAWIHNA

1 SAMUELA 15:22
Tin, Samuela chuan, “Lalpa chuan Lalpa thu zawm chu a lawm angin hâlral thilhlante leh inthawinate hi a lâwm em ni? Ngai teh, inthawina aiin thuawih chu a ṭha zâwk a, berâmpa thau aiin a thu pawm chu a ṭha zâwk a ni.

Nu leh pain an faten an thuawih tûra an beisei aia nasa zâwk daihin Pathianin a fate a thuawih turin min beisei. Sâula chu Amalek hote tihlum vek tûrin Lalpan a hrilh a (I Sam 15:3). Pathian thu angin Amalek mite chu a bei ngei mai, mahse, Pathian thu kha a duh chin chauh a zâwm a. An lal Agaga leh berâm ṭha ṭha, bâwngpa ṭha ṭha leh a thau thaute an zuah avangin Pathian a lungawi lo.

Amah hriak thihtu Samuela leh LALPA an lungawi lo va, lal atân a hnâwl phah ta hial a ni. Inthawina chu thuawihna lan chhuahna a ni tûr a ni (Amos 5:21-27; Mik 6:6-8).

Ka Pa, vân in ata hlaan,
Lei kawng chhuk chhova ka vah hian,
Min pui la, hei hi hrilh theih nân,
‘I thu ni se.’

LALPA, i thu a vaia awih thei tûrin min ṭanpui rawh.