MIN HAN FIAH TEH RENG U

MALAKIA 3:10
Ka inah ei tûr a awm theih nân, sâwma pakhat zawng zawng chu Thawhlâwm inah rawn la rawh u; Vân tukverhte chu hawnsak che uin, Malsâwmna dawn sên loh khawp hial Ka vûr dâwn che u nge dâwn lo che u, mi han fiah teh rêng u,” Sipaihote Lalpa chuan a ti.

William Colgate-a hi chhûngkaw rethei tak aṭanga lo piang a ni a, Pathian hnêna sâwma pakhat a pêk chu malsâwmin a awm a, Colgate toothpaste hre lo kan vâng viau mai thei.

Kan Pathian hian fiah a cho va, kan fiah ngam em? Pathian ringtu ni ve si hian a thusawi hi kan awih tak tak em? Ringtu nia inchhal, ring ngam si lo kan ni em? Sâwma pakhat pe ṭhin, Lalpa’n malsawmna a pêk lêt loh kan hre tawh em?

Pe rawh u, tichuan, pêkin in awm ang,
Pêkah Pathian i hnehbân thei lo vang;
Pathianin mihring lei a ba ngai lo,
Malsawmna hnâr a lo ni si.

LALPA, nangmah ringa pe tûrin min pui rawh.