NAU TIHTLÂK 2-NA

SAM 139:16
Ka rîruang la famkim lo chu i mitin a hmu a, I lehkhabuah chuan ka pêngte zawng zawng hi ziak vek a ni a, A ni têla siamin a awm zêl a, A pakhat mah la awm hmain.

Awm lo ata awma min siamtu chu Pathian a ni a, kan pêngte zawng zawng ziakin a chhinchhiah vek a ni. Hei hian Pathian min hriat chianzia a tichiang hle.

Mualpho hlauh avâng te leh mahni thu duh luat avânga pawi khawih lo thisen chhuah hi thil pawi lutuk a tling. Nau pai chhan leh naute leh a nu dinhmun chu eng pawh lo ni se, kan koh phâkah Pathian a awm a; mahni emaw doctor emaw ni lovin, kan Pathian ngei hi thutlûkna kan siamtîr tûr a ni. Pathian râwnna tûra mahnia thutlûkna kan siam hian thil pawi tak a thleng thei a, hlim a har a, hlîng pai rûk ang a ni thei. Pathianin thutlûkna min siamsakah erawh chuan lung a awi a, mahni inthiam lohna a awm ngai lo. Eng pawh ni se, tihsual tawh avânga rilru hliam reh thei lo kan awm pawhin, simna dik tak nên Pathian hnênah thupha chawi ila. Uire leh tualthat te pawh ngaidam duh Pathian chuan min ngaidam ngei dâwn a ni.