ISUA – NUNNA CHHANG

JOHANA 6:35
Tin, Isuan an hnênah, “Kei hi nunna chhang chu ka ni; tu pawh ka hnêna lo kal chu a ril a ṭâm lo vang, tu pawh mi ring chu eng tikah mah a tuihâl lo vang.

Palestina rama chaw-a an rin pui ber chu chhang a ni a. Lal Isua hi Mizorama lo kal zâwk ni se chuan, ‘kei hi nunna buh ka ni’ a ti ngeiin a rinawm.

Lal Isuan min hriattîr a duh ber ni a lang chu taksa leh thlarau lama rilṭam leh tuihalte tâna tlai leh puarna a nih thu hi niin a lang. Sum leh pai te, in hmun lo ram te, thiamna leh finna te leh khawvela ro hlu tak tak kan tihte hian kan thlarau rilṭamna a titlai thei lo va, tu mamawh mah a chhânsak thei hek lo. Lal Isua hi thlarau lama rilṭamte tân ei tûr tak leh in tûr tak, khawvêl mamawh chhânna dik tak a lo ni! Amah rinrâwla neitute chu khawvêl thilin a tirilṭam thei tawh ngai lo va, Lal Isuaah lungawina khawp an hmu ṭhin. Kan thlarau tâna chaw tak Lal Isua hi kan puarpui ve tawh em aw?