I DUH ZÂWNG TI TÛRIN

HEBRAI 10:9
Ngai teh, i duh zâwng ti tûrin ka lo kal e.

Thu âwih pawimawhzia hi thuthlung hlui hmun hrang hrangah pawh kan hmu (I Sam. 15:22, Sam 51:16-17, Hosea 6:6, Is. 1:11-20, Mik. 6:6-8).

Pathianin mihringte min din dân hi a ropui êm êm a, Sam ziaktu chuan — Ani chu Pathian aia hnuai deuh chauhvin i siam a, ropuina leh chawimawina i khumtîr si a (Sam 8:5) a ti. Mihring hi Pathianin duhthlanna nei, chhia leh ṭha hriatna neiin a siam a. Isua pawh mihringa lo piangin a seilian a, duhthlanna nei ve thei tho a ni. Pathian Fapa tân pawh a tuar tûr chu a hriat reng avângin a huphurh ve ngang a, mahse, Pathian duh zâwng ti tûrin ama duh thu ngeiin a kal a, thu âwihna famkim leh inthawina tluantling a lo hlân a, keini tlanin (Chhandam) kan awm ta a ni.

I duh ang chu min tihtîr la,
Duh zâwng dang ka tih loh nan;

‘I duh zâwng ti tûrin ka lo kal e,’ kan ti ve thei em?