SANHEDRIN HMAAH

SANHEDRIN HMAAH

MATTHAIA 26:59-60
Tin, amah an tihhlum theihna tûrin, puithiam lalte leh rorêltuho zawng zawng chuan Isua hêkna an zawng a; hretu der tam tak lo kal mah sela, an hmu si lo.

Sanhedrin (ṭhukhâwm) ah hian Lalnu Alexandra-i hun (76-67 BC) lai aṭang khân Pharisaite an tel ve a, Sadukai, Pharisai leh lehkhaziaktu 71 ten ro an rêl ṭhin. Tualthat chungchâng chu chhûna rêl tûr a ni a, Kalhlen Kût laiin rêl loh tûr a ni bawk. Thurêla mi ‘thiamloh chantîr’ a nih chuan thu tâwp siam hmain a kârah zan khat tal a tla tûr a ni.

Sanhedrinte hi Rom sawrkar hnuaia Judai ram chhûnga Sakhua leh khawtlânga thuneitu sâng ber an ni a, ram chhiah lâk chungchângah sawrkâr laka mawhphurtu an ni a, Rom sawrkar phût bâk an lâk khâwm chu council sum a ni. Rorêltu leh Puithiam hna an chelh bawk.

Isua tihhlum an duh lutukna lamah Sanhedrin hian an dân an palzût nasa viau a. Mahni unau te, fate leh hnuaia hnathawk chunga kan rorêl dân hi fel hlel a awm em? A lâi tâwk em? Ṭan lam nei sain ro kan rêl em? I fimkhur ang u.

LALPA, rorêltuten dik taka ro an rêl nan ṭanpui ang che.

Subscribe
Notify of
guest
Email will not be published
0 Comments
Inline Feedbacks
View all comments
Copyright © 2017-2020 Our Daily Bread Mizo.
Privacy Policy
0
Would love your thoughts, please comment.x
()
x