PUITHIAM LAL TAWNGTAINA

JOHANA 17:11,22
Tin, kei zawng khawvêlah ka awm tawh lo vang, hêngho erawh hi chu khawvêlah an awm ang, kei i hnênah ka lo haw dâwn ta. Ka Pa thianghlim, nangin kei mi pêkteho hi i hmingin hum rawh, pumkhat an nih theih nân, keimahni ang bawk hian. ²²Tin, nangin ropuina mi pêk kha keiin anmahni ka pe ta; anni chu pumkhat an nihna tûrin, keini pumkhat kan ni ang bawk hian.

Lal Isuan a mite an inpumkhat nân man a nih hma lawkin a ṭawngṭaisak a. Setana hmanraw pawimawh tak pakhat chu ringtute zînga inṭhenna, inpumkhat lohna tuh hi a ni (Mk. 3:24-25). Thlarauva inpumkhatna vawng tûrin remna phuarnaah leh beiseina hmunkhata koh kan nihnaah i ding nghet ang u (Eph. 4:3-4). Pathian thuin min tihthianghlim nân a thu kan zawm a ṭul. A thu kan zawm chuan kan inpumkhat thei ang. (Jn 13:34-35).

Ringtute hi inhmangaih ila, inrem lohna leh innghirnghona a bo vang a, inhriatthiamna leh inlungrualna a lo awm mai dâwn a lo ni. Kan inrêl a, kan inîtsîk a, kan iner chuan hmêlmapa lâwm zawng tak a ni. Inpumkhat ila, Chanchin Ṭha hrilh darhna kawngah pawh hmâ kan lo sâwn dâwn a lo ni.

Ringtute inpumkhat nân hma i la dâwn em?