ISUA VANAH HRUAI CHHOH A NI

TIRHKOHTE 1:8
Nimahsela, Thlarau Thianghlim chu in chunga a lo thlen hunah thiltihtheihna in la nei ang; tichuan, Jerusalem khuaah te, Judai leh Samari ram khaw tinah te, kâwlkil thleng pawhin ka thuhretute in ni ang,” a ti a.

Zirtîrte chuan Isua chu Rom awp behna aṭanga chhanchhuak tûrin an beisei a. Isua lahin thinlung leh thlarau thil lam a sawi si a. An awm khâwm laiin, “LALPA, tunah em ni Israel-te hnênah ram i pêk leh dâwn?” tia an zawh chu, “Pa thu a ni, in hriattûr a ni lo ve,” a ti a. He thu hi a sawi zawhin an hmuh lai reng chungin vâna hruai chhohvin a awm a. Chutia an en reng lai chuan puanvâr sin an kiangah an lo ding a; an hnênah, “He Isua, in hnên ata vâna hruai chhohva in hmu ang bawk hian amah ngei hi a lo kal leh ang,” tiin a thlamuan a.

Isua lo kal leh hun tûr hre lo mah ila, a lo kal leh ngei dâwn tih ringin i inthlamuan ṭhin ang u. Beiseina nung neiin a lo kal lehna hi hlim takin i lo nghâk ang u.

A lokal hunah kan peih dâwn em ni?
Zîng, chhûn, zân, englai pawhin,
Khâwnvâr alha inringin,
A lo kal hunah kan peih dâwn em ni?

Pathian tâwk tûrin inpeih rawh.