ṬAWNGṬAI RAWH U

MATTHAIA 26:41
Thlêmnaa in luh loh nân inring rengin ṭawngṭai rawh u; thlarau zawngin a peih a, tisa erawh chu a chak lo a ni,” a ti a.

Gethsemani huana Isua a ṭawngṭai khân a tawrh tûr hi mihring tak chuan pumpelh a duh a, chutih laia ‘nangma thu thu (Mk 14:36)’ a ti thei hi a ropui hlê. Thihna khawp hialin a rilru a lungngai a, a zirtîrte chu vênpui tûrin a sâwm hial a ni.

Kristian ṭawngṭai ngai lo chu kristian chak a ni thei lo. Râlmuan lai pawhin sipaite an inring reng ṭhin angin keini Krista sipaite pawh indona hmuna awm reng kan ni tih hi i theihnghilh u. Kum thum ngawt a zirtîr, harsatna kâra lo zui ṭang ṭang tuten ṭawngṭai an mamawh chuan keini chuan kan va mamawh nasa lehzual dâwn êm!

Gethsemani, ka nghilh loh nân,
I lungngaihna, ka nghilh loh nân;
Min hmangaihna, ka nghilh loh nân,
Kalvariah min hruai rawh.

LALPA, ṭawngṭaia inring reng tûrin min pui ang che.