BETHEL-AH I KÎR ANG U

BETHEL-AH I KÎR ANG U

GENESIS 35:2-3
Tichuan, Jakoban a chhûngte leh a hnêna awm zawng zawngte hnênah chuan, “In zînga mi dang pathian awmte chu dah bo daih ula, intithianghlimin in silhfênte thlâk rawh u; tho ila, Bethel-ah i chho vang u; tichuan, ka mangan laia mi chhânga, ka kalnaa ka hnêna awm zêl Pathian tân khân maichâm ka siam dâwn nia,” a ti a.

Jakoba, a u hlaua tlânchhia chu rei tak a pu ina a awm hnuin a pa in lama a kîr chuan a nupui fanau leh a ran rualte nên an kawi ve duah a. Pathianin Bethela kal a maichâm siam tûrin a hrilh a (Gen 35:10). Pathian hmaa ding tûr a nih avângin, thil fel lo, hluihlawn thil nên LALPA a dâwr duh lo a ni. A chhûngte pawh intithianghlima an silhfênte pawh thlâk tûrin a ti bawk. Lalpa kan pâwlna hmun-biak in, chhûngkaw maichâm leh mimal fianrial ṭawngṭaite thlahthlam lovin LALPA aw i ngaichâng ang u.

Khawvêl pâr mawina ka zawng a,
Hlun lo tûr ram zauvah hianin;
Ka thinlai hnêmtu an awm lo he khawvêlah.
Hmangaihnain min ko,
“Lo kîr leh rawh,” min ti.

Pathian hmaah thianghlim leh felfai takin inlan ṭhin ang u.

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.