JOSEFA LEH A UNAUTE

JOSEFA LEH A UNAUTE

GENESIS 37:19-20
Tin, “En teh u, mang neia chu a lo kal saw. Hawh u, that ila, khuarkhurum pakhatah i thlâk ang u khai; tin, ‘Sakawlhin a seh ta,’ kan ti dâwn nia; tichuan, a mangte chu engtin nge a awm kan la hre mai ang,” an ti hlawm a.

Josefa chu an unau sawm leh pahnih zîngah a naupang ber dawttu a ni. Jakoba nupui Rakili fatîr a ni. A unau, nu dang pathum fateho hian an ngeih lo mai ni lovin an huat rawnna chhan chu an tihsual a pa a hrilh ṭhin vâng a ni. Jakoba chuan a ute zawng zawng aiin a hmangaih a, duhsak bîk tâna an siam kawrfual ze hrang hranga ṭial a siamsak a.

Unau kârah inîtsîkna a awm châng a awm ṭhin. Chan ṭha zâwk chan duh avâng leh sum leh pai rosum inchuh vânga court-a inkhing hial pawh a awm theih a ni. Josefa chu a uten a chungah ṭha lo takin ti mah se Pathian a ṭih avângin a tâwpah anmahni enkawltuah a ṭang ta zâwk a ni. A ropui hle mai.

Ngai teh, unaute inngeih dial diala awm khâwm hi
A va ṭhain a va nuam êm! (Sam 133:1)

Unaute tân malsâwmna kan ni thei em? An tân kan ṭawngṭai ṭhin em?

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.