SAWISÊL SUH U

MATTHAIA 7:1-3
Sawisêl suh u, sawisêla in awm loh nân. In sawisêl ang bawkin an sawisêl ang che ua, in tehna ngai bawkin an tehsak leh ang che u. Tin, engati nge mahni mita khanchhuk awm chu ngaihtuah si lovin, i unau mita hmawlh tê tak tê awm chu i hmuh ni?

Sawisêl lo tûrin Pathianin thu min pe. Kan bawhchhe fo. Eng vângin nge kan sawisêl loh ang?

1. Sawisêla kan awm loh nân.
2. Sawisêl tûrin kan tling tâwk lo.
3. Sawisêl tûrin mi chhûngril kan hre lo.

Kohhran hna leh inkhâwm kan hlah loh avâng ngawtin kan chungah LALPA a lâwm . Ṭha tâwka inngai Pharisai aiin mahni ṭhat tâwk lohna hre chunga LALPA dâwrtu chhiahkhawntu ṭawngṭaina chu chhânin a awm, thiam changin chhiahkhawntu a inah a haw thei (Lk. 18:9-14).

Mi dang kan sawisêl leh kan ngaihdam loh angin kan chungah rorêl a ni ang. Kan ngaihdam chuan min ngaidam ang a, kan ngaihdam loh chuan min ngaidam bîk lo vang (Mt. 6:14-15).

Mi dem hman a ni ta lo ve,
Nî a lo kiam sâwt êm e;
I hmêl nî angin lo êng se,
Nî a lo kiam sâwt êm e.

Sawisêl bânin ngaihdamna nên mi dang i en ang u.