RAMHUAI MAN TIHDAM

MARKA 5:19
Nimahsela, Isuan a phal lo va, a hnênah, “I inah i ṭhiante hnênah haw la, Lalpan i tân thil a tihsak che hi a ropuizia leh a khawngaihzia che hi va hrilh rawh,” a ti ta zâwk a.

Ramhuai man hi thlânmualahte awmin kawlte leh khâidiatte pawh a pawt chat ṭhin. A au a au a, lungtein a inzai fo ṭhin. Isua a hmuh veleh a tlân a, chibai a va bûk a, chumi ram ata chu anmahni tîr chhuak lo tûrin leh vawk kawchhûnga luh an ngên a. Isuan a phal a, vawk rual chu khâmah an tlân liam a, dîlah tui hâkin an thi a. Khuaa miten vawk tam tak an thi tih an hriatin Isua chu an ram ata chhuak tûrin an ngên ta a.

Ramhuai man hnua khân Isua hnêna awm reng a ngên a, mahse Isuan a inah a tîr haw a. Dekapoli khuaahte chuan Isuan a tihsak ropuizia chu puangin a tlângaupui ta a. Keini pawh kan tih ṭhat vâng ni lovin a khawngaihna avângin Lalpan a thlâwnin min chhandam a, Isuan min tihsak hi puang chhuak tûr kan ni.

Vawiin hi chanchin lâwmawm thlênna ni a ni,
Keini hi kan ngawih renga khawvâr kan nghah mai chuan,
Hremna kan tâwk mai ang, Lal chhûngte i hrilh thuai ang u,
A thlâwna kan hmuh hi a thlâwna pe tûr kan ni.

Kan buan hneh loh hneh tûrin Isua i sâwm ang u, anin chakna min pe ang.