THLARAU DIK LEH DIK LO
1 JOHANA 4:1
Duh takte u, thlarau nazawng ring suh u; amaherawhchu, thlaraute chu Pathian laka mi an ni nge ni lo fiah rawh u; thuhriltu der tam tak khawvêlah an lo chhuah tâk avângin.
Kohhran hmasa hunah khân thlarau hming chhâla kal sual eng emaw zât an awm a. Vawiin thleng pawhin chutiang chi chu hriat tûr an la awm. Sakawlh leh UID boruak avâng pawhin tûn hnaiah kohhran leh ration card aṭanga hming thaichhiattîr hmun hrang hrangah an awm anih kha! Thlarau chi hrang hrang a awm avângin Johana pawh hian Pathian laka mi a nih leh nih loh fiah tûrin min ti rêng a ni.
Zirtîrna dik pawmtute chuan Lal Isua an chawimawi a, a duh zâwngte tipuitling tûrin hma an la ṭhîn. Kohhran aṭanga chhuak hote hi chuan Chanchin Ṭha hril tûrin Missionary an tîr mawh khawp mai. An tu leh fate pawhin Sunday School mumal belh tûr an neih ṭhin loh avângin sual kawng an zawh mai ṭhîn. Thlarau dik leh dik lo hi Pathianin fiah min phalsak avângin fiah hmasak zêl hi a him ṭhîn a nia.
