NANGIN TU NGE A NI MI TIH?

MATTHAIA 16:13-14
Tin, Isua chu Kaisara Philippi bial a lo thlen chuan, a zirtîrte hnênah, “Miten Mihring Fapa hi tu nge a ni an tih?” tiin a zâwt a. Tin, anni chuan, “Ṭhenkhatin, ‘Baptistu Johana a ni,’ an ti a; ṭhenkhatin, ‘Elija a ni,’ an ti; ṭhenkhatin ‘Jeremia emaw, zâwlnei tua emaw a ni,’ an ti,” an ti a.

Kaisara Philippi, Galili biala mi hi Herod Antipas-a thuneihna hnuaia awm a ni. Hêng laiah hian Juda mi an awm vak lo. Isuan a hun tâwp a thleng hnai tawh tih a hria a. Kaisara Philippi lama a lo kalin a zirtîrte hnênah, “Miten Mihring Fapa hi tu nge a ni an tih?” tiin a zâwt. An chhân dân pawh a inang lo nual mai. Baptistu Johana ni a ngai an awm a, zâwlnei ropui tak Elija ni a ngâi an awm bawk.

Isuan, ‘Nangnin tu nge a ni mi tih?’ tiin zirtîrte a zâwt a, sawi sual an hlau khawp mai. An zînga huaisen ber Peteran, ‘Krista, Pathian nung Fapa chu i ni,’ a ti. Keini hian Isua hi tu nge a ni kan tih ve? Kan tân eng nge a nih 1e? Pathian Fapa a nih kan pawm a ni thei e. Mahse, i tân chhandamtu a ni em? Lal a ni em? I tân Lal leh chhandamtu a la ni lo a nih chuan amah pan thuai rawh.

Isuan nang leh kei hi kan awm angin min lâwm.