INNGAIHTLÂWM CHU DAMNA A NI

2 LALTE 5:14
Tichuan, a zuk chhuk a, Pathian mi sawi ang chuan Jordan luiah vawi sarih a zuk inhnim a; tin, a tisa chu nausên tisa ang mai a lo ni leh a, a lo thianghlim ta a.

Suria sipai hotu Naamana phâr a dam tâkna chhan kha thil dang ni lovin a inngaihtlâwm vang liau liau niin a lang. Israel hmeichhe naupang an awmpui mai mai thuin a phâr dam nân Israel rama zâwlnei Elisa a pan a. Elisa awmna an va thlen lahin Naamana lo hmu lovin Jordan luiah vawi sarih inbual tûrin mi a hrilhtîr ringawt a. A thinrim a insehruh laiin a chhiahhlawhte thu zâwmin Jordan luiah vawi sarih a han inhnim ta mai a, a phâr chu a lo thianghlim ta vek mai a ni.

Keini chu ni ila, ‘kher kher a’ kan ti ang a, chapo takin dam si lovin kan kîr leh ang. Pathian thu-ah hian tih kher kher tûr hi a awm fo, hêngte zawm thei tûra tlâwm hi a ṭûl rêng a ni. Lâm kher kher, ṭawngṭai kher kher kan ti fo. Taksa, rilru leh thlarau nâ tam tak hian an tlâwm ngam loh rah an seng a ni duh khawp nia!