DULI BO

LUKA 15:8
Tin, hmeichhia tu pawh duli sâwm neiin pakhat hloh ang sela, khâwnvâr hâla in phiatin, a hmuh leh hma loh zawng tu nge ngun takin zawng lo vang?

Palestina ram a hmeichhia pasal nei tûr ten duli sâwm thil khâwmin an khim ṭhîn, bâ aiah pawh lâksak theih a ni lo. A thil khim zînga mi lo tla palh ta se, zawn hmuh ngei a ṭûl.

Pharisaiten mahni inphah hniama Pathian pan chu an hrethiam, Pathianin mihring a rawn zawng chu an tân thil mak a ni. Sakhaw dangin, pathian mihring zawng zâwk an nei lo. He tehkhin thu hian ring lo leh ringtu kawng bote Pathianin a hmangaihna a pho chhuak ṭha hle. Pathianin a fapa min zawng tûrin a rawn tîr a (Lk 19:10), a nun kan tân a pe hial a ni (Mk 10:45; 1 Kor 6:20).

Khawvêl thil hlû kan ngaihpawimawh êm êm lai hian Chatuan nunna tûr khawpa thil hlû hi i ngai pawimawh deuh deuh ang u.

Boralte zawng tûrin Krista a lokal,
Nangni, amaha piang nun thar neite u,
In pian chhan ber chhandamna thu nung hrilin,
Kal chhuak thuai ru, boralte chhandam tûrin.

Bo zawngtu i ni ve em?