TISUAL LEH TAWH SUH

JOHANA 8:10-11
Tin, Isua chu a tho va, a hnênah, “Hmeichhia, khawiah nge an awm tâk? Tu mân thiam loh an chantîr na che nge?” a ti a. Tin, ani chuan, “Lalpa, tu mân mi chantîr lo ve,” a ti a. Tin, Isuan, “Kei pawhin thiam loh ka chantîr lo va che; kal la, tûn hnuah tisual leh tawh suh,” a ti a.

Isua chu Pathian biak inah mi tam tak zirtîrin a ṭhu a. Lehkhaziaktute leh Pharisaiten hmeichhe pakhat a uire lai an man an rawn hruai a. Lunga den hlum theih a ni (Lev 20:10; Deut 22:22-24). Diriam takin a laiah an dintîr a, khawngaihna an lantîr lo.

Keini pawh mi dangte dêng hlum tûr hian lung kan va’n chawi sâng êm! Inrêl, sawichhiat, hmusit, hretu der, phunnawi, adt. Mi dêng hlum tlâk kan nih loh hi i hre thar leh ang u (Mt. 7:1-5).

Uire aia sual zâwk kei hi, LALPA i hmaah ka ding ve.
Setana kut thihna hlauhawmah, mi sual ber kei hi:
LALPA min hmangaihna vângin, ka thih aiin nang i thi ta,
Ka rûl zo lo’ng ka dam chhûngin, LALPA hmangaihna.

Mi dang dêng hlumtu i ni lo ang u.