BERÂM VÊNGTU

JOHANA 10:3-4
Berâmten a aw an hre ṭhîn a; ama berâmte chu an hmingah a ko ṭheuh va, a hruai chhuak ṭhîn. A ta zawng zawng a chhuahtîr veleh an hma a hruai a, berâmte chuan amah an zui ṭhîn a, a aw an hre si a.

Judai ramah a hmul meh atân berâm an vulh ṭhin. Judate tân chuan berâm leh a vêngtu chanchin chu hriatthiam a awl hle ang. Berâm tân bona, tlûk leh tlâkna tûr a tam avângin vêngtute pawhin anmahni berâm ṭheuhte hming phuahsakin an ko hrang thei. Berâmten vêngtu aw hriain an zui ṭhin.

Thuthlung Hluiah chuan Pathian chu berâm vêngtu anga tehkhin a ni (Ezek 34:15-16). Isuan Petera pawh a berâmte châwm tûrin a hrilh (Jn 21:15-17; Jn 9:39-41). Harsatna leh manganna kan tawh lai pawha min vêngtu – Berâmpu ṭha kan nei hi a va nihlawh thlâk êm!

Chawlhna tui kamah min hruaiin,
Ka nunna min siam ṭhat ṭhin;
Hnim tui tinrêng min kawhhmuhin,
Ka thlarau pawh a châwm ṭhin.

Isua thlazâr hnuaia awm hi a him.