Nun Kawng Chaw

PAULA ZALENNA

PAULA ZALENNA

— Chhantea (Oriela patea)
E. Lungdar

1 KORINTH 9:1
Zalên ka ni lo vem ni? Tirhkoh ka ni lo vem ni? Kan Lalpa Isua ka hmu tawh lo vem ni? Nangniho hi Lalpaa ka hnathawh in ni lo vem ni?

Paula hi mithiam, Juda sakhaw dân serh leh sâng zawng zawng pawh zir chhuak, Rom mi nihna pawh nei, a hunlai a zirtîrtu ṭha ber Gamaliela ke bula seilian a ni a. A hunlai na na na chuan mi chunga lêng a ni.

Chutiang mi, mi ropui chuan Korinth khaw mite hnênah duh ni ve ngat se la chu mahni thu leh duh dân ang anga awm tûrin zalenna a nei a. Chutiang ang tak chuan awm ta se midangte aia khawvêl nun hmang nuam thei a ni tih pawh a hriat a ni.

Nimahsela, Paula chuan a zalen nihna chu Krista bawih nihna atân a hmang a, amah ngeiin Kristaa mi tâng tiin a inchhâl a, Pathian avângin duh ni sela a tih ve theih reng pawh a ti lo a ni.

Keini pawh Pathianin duhthlanna zalen tak min pein tihluihnaa min enkawl lo a kan duhthlanna a nghah miau avangin Paula ang bawk hian duh ni ila kan phâk tâwkah kan duh lam lam kan hawi thei a, kan duh ang ang kan ti ve thei a ni. Mahse, Paula ang hian kan zalenna kan hman thiam ve leh Pathian duhzâwng a kan hman zêl hi a pawimawh takzet a ni.

Pathianin a thu malsâwm rawh se.

Leave a Reply

Your email address will not be published.

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.