HMUH CHHUAH MAK LEH ROPUI

LUKA 2:30-31
I chhandamna mi tin hmuha i siam kha, ka mitin a hmu ta e.

Sir James Simpson-a chuan hnim hlum ‘chloroform’ an tih hi a hmuchhuak a. A hun tâwp dâwn lam thlengin thil ṭangkai tak tak a hmuh chhuah belh zêl a. Mite chuan, “Ka pu, i thil hmuh chhuahte zîngah hian eng nge ropui i tih ber?” tiin an zâwt a. Ani chuan, “Ka thil hmuh chhuahte zînga ropui ka tih ber chu kei mi sual bo hnu, Lal Isuan min chhandam tih ka hmu chhuak hi ropui ka ti ber a ni,” tiin a chhâng a. Chutiang deuh bawkin Lord Kelvin-a pawh hi a thil hmuh chhuah zînga mak a tih ber an zâwt a. Ani chuan, “Ka hmuh chhuahte zînga mak ber chu Lal Isua chhandamna thu hi a ni,” tiin a chhâng ve bawk. He mite pahnih hi an chapo lo hlê mai.

He khawêlah hian damdawi lam leh khâwl thil te leh thil ropui tak tak an hmu chhuak ṭhîn a. Hêng zawng zawng hi thil awm lo hmuh chhuah ni lovin, thil awmsa hmuh chhuah a ni deuh zêl. Leilunga hausakna Pathianin a phûm hi khawvêl mi thiamten an hmu chhuak a ni chauh zâwk ṭhîn. A chunga kan han târlan tâk ang deuh khian mi sualte hmuh leh chan theih tûra Pathian a rawn inhnûk hniam a, a chhandamna kan lo hmu ve hi thil hmuh chhuah mak leh ropui a tling tak zet a ni.