ṬHIANTE KA TI TAWH ZÂWK

JOHANA 15:12-14
Hei hi ka thupêk a ni, keiin ka hmangaih che u ang bawkin nangni inhmangaih ula. Mihringin a ṭhian aia a nun a paih aliama hmangaihna nasa zâwk tu mân an nei lo. Thu ka pêk apiang che u in tih chuan ka ṭhiante in ni ang.

Ṭhian chuan lungngaih leh lâwmna min ṭawmpui ṭhin (Thuf 17:17; Is 41:8). Khawvêl mi ropui, thiltithei leh lârte ṭhian kan nei lo a ni mai thei. Isuan ṭhian atân min sâwm hi a va ropui êm! Isua ṭhian kan nih theihna chu a thupêk zawm a ni.

Miin a ṭhian tân a nun a pêk chu hmangaihna a lantîr theihna sâng ber a ni. Chutiang takin min hmangaihna lantîr nân Isuan krawsah a nun a pe. Keini mai ni lo a hmêlmate tân pawh a nun a pe (Rom 5:6-10). Bâwih ti lova ṭhiana min ko hi a lawmawm hle mai.

Lal Isua kan ṭhian ṭha berin,
Kan mangan lain min lawm;
Amah hnêna kan ṭawngṭaiin,
Kan thlen apiang hi a pawm.

Isua ṭhian i nih duh chuan a hnên pan rawh.