RILRU HRISEL

PHILIPPI 4:8
A tâwp berah chuan unaute u, a dik apiang te, a zahawm apiang te, a fel apiang te, a thianghlim apiang te, a duhawm apiang te, a thang mawi apiang te – ṭhatna rêng a awma, fakna rêng a awm awm phawt chuan – chûng chu ngaihtuah rawh u.

Mi rilru hriselte rilru putzia tam tak sawi tur a awm thei ang a, a tlângpuiin hetiang hian han sawi ila, mahni inen nân hman kan tum ṭheuh dawn nia –

– A nih angin a lang chhuak ngam ṭhin.

– A hun leh a hmun azirin a rilru a siam rem thiam.

– Amah a inthunun thei ṭhin.

– A taimaa, a tih apiangah theihtâwp a chhuah ṭhin.

– A tih hmain ngun takin a ngaihtuah hmasa ṭhin.

– Khawiah pawh neitu rilru a pu thiam ṭhin.

– Nun inbûk tâwkin thil tih dân a thiam ṭhin.

– Mi neiha innghat lovin, mahni intodelh a tum ṭhin.

– Hmasâwn tum zâwngin a rilru a khalh kal ṭhin.

– Dawngtu nih aiin petu nih a tum tlat ṭhin.

– Mi dang ngaih pawimawh nachâng a hria.