NGHAH PEIH ṬHATZIA

GENESIS 29:20,28
Tichuan, Jakoba chuan Rakili nei tûr chuan kum sarih chu rawng a bâwl ta a; nimahsela, a hmangaih hle avângin ni rei lo tê ang chauhvin a hria a. Tichuan, Jakoba chuan chutiang chuan a ti a, a ni sarih chu a tlingtla a; tichuan, a fanu Rakili chu nupuiah a pe ta a.

Rakili hlawh chhuak tûr hian Jakoba hian a pu rawng kum sarih leh ni sarih a bâwl a, a duh tak Rakili chu a hlawh chhuak ta a. Jakoba hian Rakili hi a hmangaih êm avângin kum sarih pawh rei lo tê angin a hria a ni. Jakoba chanchin aṭang hian thil pahnih pawimawh tak tak zir chhuah tûr kan nei —

Pakhatnaah chuan nupui pasala inhualte tân nghah peih a pawimawhzia kan hre thei a. Pahnihnaah chuan Pathian ṭhatzia hre chiangtu apiangten an hmangaih a, mahni lam indah ṭhain Pathian hnathawh an nghâk ṭhîn a. Tlâi ngai lo Pathian chuan a hun takah an duhna leh beiseina a tihhlawhtlinsak ṭhîn. “Lalpa-ah chuan châwl la, amah chu nghâk fan fan rawh; A awm dâna vânneihna dawngtu avângin intilungngai duh suh, Ngaihtuahna sualte puitlintu avâng chuan,” (Sam 37:7).