NEIH CHHUN PÊK

NEIH CHHUN PÊK

TIRHKOHTE 3:6-7
Nimahsela, Peteran, “Tangka leh rangkachak eng mah ka nei lo; nimahsela, ka neih chhun ka pe ang che: Nazareth Isua Krista hmingin kein kal tawh rawh,” a ti a. Tin, a kut ding lam a chelh a, a kai tho ta a; tin, thâwklehkhatan a kete leh a kheimit ruhte chu a lo chak ta nghâl a.

Petera leh Johana chuan an tih ṭhan dânin ṭawngṭai tûrin Pathian biak inah an chho va (Juda-te tân zîng dâr 9, chhûn dâr 12 leh tlai dâr 3 hi ṭawngṭai hun pawimawh a ni). Jerusalem temple luhna kawngkhar pakaw zînga pakhat, ‘Mawi‘ an tih bulah chuan piantirh ata kebai an rawn muttir chuan Petera leh Johana ṭawngṭai tûra lût hnênah kut a lo dawh a. Nazareth Isua Krista hmingin an ti dam a ni.

Khawvêl miten min thlîr reng mai. Keimahah hian mi dangte damna tûr khawp Nazareth Isua Krista ka nei em? Zirtîrten sum leh pai nei lo mahse an neih chhun hi a hlu êm a ni. Khawiah mah an zâm lo, a va ropui êm!

Lal Isua ka neih phawt chuan ka rethei lo e,
Ka mamawh engkim a nei Lal Isuan;
Ni tinin Aman min pe ka mamawh tinrêng,
Engkimah ka tân rintlâk a ni si.

Nazareth Isua hmingin damna puang chhuak rawh.

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.