SAWI LOVIN KAN AWM THEI LO

TIRHKOHTE 4:19-20
Nimahsela, Petera leh Johanan an hnênah, “Pathian mit hmuhin Pathian thu zawm aiin nangni thu zawm a dik zâwk emaw chu, ngaihtuah rawh u. Keini zawng thil kan hmuh leh kan hriatte kha sawi lovin kan awm thei lo,” an ti a.

Petera leh Johanan Temple-ah an thil hmuh an puang a, hnial theih lohvin damna chang an awm a, an chanchin an sawi huai huai a, hrem dâwn se dân bawhchhiat an nei si lo. Rorêltuten a ngaihna an hre lo. Ringtu an pung tual si, Isua hminga thusawi lo tûr leh zirtîr lo tûrin an vau ta a. Petera leh Johana chuan, thil an hmuh leh an hriatte sawi lovin an awm thei lo an ti hmiah mai a ni.

Nihnain a pêk loh Isua avângin zahawmna an nei a. Mihring thu aiin Pathian thu zawm an duh a, tawrh pawh an huam a ni. Pathian Thu i zawm tawhna lamah tawrh emaw chân emaw i nei tawh em?

Keini zawng thil kan hmuh leh kan hriatte hi,
Sawi lovin kan awm thei lo a ni e;
Harsatna leh manganna kârah pawh,
Krista thuhretute kan ni zêl ang.

Harsatna kârah Krista thuhretu i ni ve dâwn em?