AWIHAWM TAKIN THU AN HRIATTIR

TIRHKOHTE 4:33
Tin, tirhkohte chuan awihawm takin Lal Isua thawhleh thu an hriattîr ṭhîn a; an zaa chungah khawngaihna nasa tak a awm a.

Isuan a zirtîrte kum thum ngawt a kaihhruai a. Isua thilmak tihte leh a zirtîrna pawh an dawng nasa hle. Mi hnên aṭanga hre chhâwng an ni lo va, an tawnhriat ngei an sawi avâng hian an thil sawi chu a awihawm hliah hliah a ni. Mite thinlung a hneh a, thih huam hialin an ṭan bur a ni.

Zirtîrten an mit ngeiin an hmu a, an hnênah a inlârin an bia a. A thupêk an zâwm a, an inhmangaih a, an thil neih pawh an inṭawm a, tlachham tu mah an awm lo. Kan thusawi hi kan nun a kan tawn, kan paltlang a nih chuan a awihawm lehzual ngei ang.

An Tlantu thutiam an hre reng,
Chanchin Ṭha puan tûr thupêk nên;
Tûnah hrehawm rih mah sela,
Nakinah an lâwm a la kim dâwn si.

I tawnhriat aṭangin Pathian ropuizia leh thiltihtheihzia sawi tûr i nei em?